అశ్రు నయనాలతో వేటూరి అంత్యక్రియలు

హైదరాబాద్‌: ప్రముఖ గేయ రచయిత వేటూరి సుందరరామ్మూర్తి అంత్యక్రియలు హైదరాబాద్ బన్సీలాల్ పేట శ్మశానవాటికలో జరిగాయి. అనారోగ్యంతో మృతి చెందిన వేటూరి సుందరరామమూర్తి అంతిమయాత్ర ఆయన స్వగృహం నుంచి ఈ మధ్యాహ్నం ప్రారంభమైంది. ఈ అంతిమయాత్రకు వేలాదిగా ఆయన అభిమానులు, ప్రముఖులు తరలివచ్చారు. నిన్న రాత్రి కేర్‌ ఆసుపత్రిలో మృతిచెందిన వేటూరికి పలువురు సినీ, రాజకీయ ప్రముఖులు ఘనంగా నివాళులు అర్పించారు.

శనివారం కన్నుమూసిన సినీగేయ రచయిత వేటూరి సందరరామ్మూర్తి భౌతికకాయానికి రాజకీయ, సినీరంగ ప్రముఖలు నివాళులర్పించారు. భాజపా నేత బండారు దత్తాత్రేయ, ఈనాడు గ్రూపు సంస్థల అధినేత రామోజీరావు, సినీ ప్రముఖులు విశ్వనాథ్‌, రాఘవేంద్రరావు, వైవీఎస్‌ చౌదరి, శేఖర్‌ కమ్ముల, తమ్మారెడ్డి భరద్వాజ, తనికెళ్ల భరణి, నాగేంద్రబాబు, మనో, మాధవపెద్ది సురేష్ తదితరులు నివాళులర్పించారు