రుచిక కేసులో రాథోడ్ కు శిక్ష పెంపు

చండీఘడ్: రుచికపై అత్యాచారం కేసులో హర్యానా మాజీ డిజిపి ఎస్పీఎస్ రాథోడ్ కు సెషన్స్ కోర్టు మంగళవారం శిక్షాకాలాన్ని పెంచింది. ఆయనకు విధించిన జైలు శిక్షను ఆరు నెలల నుంచి 18 నెలలకు పెంచింది. తనకు సిబిఐ ప్రత్యేక కోర్టు ఆరు నెలల జైలు శిక్ష విధించడాన్ని రాథోడ్ సెషన్స్ కోర్టులో సవాల్ చేశాడు.

రాథోడ్ శిక్షా కాలాన్ని గరిష్టంగా రెండేళ్లకు పెంచాలని కోరుతూ రుచిక కుటుంబం, సిబిఐ పిటిషన్లు దాఖలు చేశాయి. ఈ నెల 3 నుంచి 11వ తేదీ వరకు కోర్టు వరుసగా వాదప్రతివాదాలను విన్నది. కోర్టు ప్రొసీడింగ్స్ ను కెమెరా ద్వారా రికార్డు కూడా చేశారు.