స్టార్ క్రికెట్: టాస్ గెలిచి బౌలింగ్ ఎంచుకున్న వెంకీ వారియర్స్

హైదరాబాద్‌: సినిమా గ్లామర్ తో హైదరాబాద్ లాల్ బహదూర్ స్టేడియం జిగేలు మంది. తెలుగు సినీ తారల ట్వంటీ-20 మ్యాచ్‌లు ఎల్బీ స్టేడియంలో ఆదివారం ఉదయం 9 గంటలకు ప్రారంభమయ్యాయి. తొలి మ్యాచ్‌లో బాలయ్య లయన్స్‌, వెంకీ వారియర్స్‌ జట్లు తలపడుతున్నాయి. టాస్‌ గెలిచిన వెంకీ వారియర్స్‌ జట్టు బౌలింగ్‌ ఎంచుకుంది. కాంగ్రెస్‌ ఎంపీ టి. సుబ్బిరామిరెడ్డి టాస్‌ వేశారు. బాలయ్య లయన్స్‌కు బాలకృష్ణ, వెంకీ వారియర్స్‌కు వెంకటేష్‌ నేతృత్వం వహిస్తున్నారు.

మధ్యాహ్నం జరిగే మ్యాచ్‌లో మెగాస్టార్‌ చిరంజీవి 'చిరు చీతాస్‌', యువసామ్రాట్‌ నాగార్జున 'నాగ్‌ కింగ్స్‌' జట్లు తలపడనున్నాయి. సాయంత్రం ఐదు గంటలకు ఫైనల్‌ మ్యాచ్‌ జరుగుతుంది. మ్యాచ్‌ లకు వేదికయిన ఎల్బీ స్టేడియం జనంతో కిక్కిరిసిపోయింది. తెలంగాణ వాదుల హెచ్చరికల నేపధ్యంలో గట్టి పోలీసు బందోబస్తు ఏర్పాటు చేశారు.