• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

గాలి బ్రదర్స్ ను టార్గెట్ చేసుకున్న చంద్రబాబు

By Pratap
|

Chandrababu Naidu
హైదరాబాద్: ఓబుళాపురం మైనింగ్ కంపెనీకి చెందిన కర్నాటక మంత్రులు గాలి జనార్దన్ రెడ్డి బ్రదర్స్ ను తెలుగుదేశం పార్టీ అధ్యక్షుడు నారా చంద్రబాబు నాయుడు మరోసారి టార్గెట్ చేసుకున్నారు. మైనింగ్ అక్రమాలపై కర్నాటకలో ఆందోళన చేస్తున్న కాంగ్రెసు పార్టీ ఆంధ్రప్రదేశ్ లో మాత్రం మైనింగ్ మాఫియాకు రాచబాట వేస్తోందని ఆయన సోమవారం మీడియా ప్రతినిధుల సమావేశంలో అన్నారు. ఇనుపఖనిజం అక్రమ తరలింపుపై ఆందోళన చేపడతామని ఆయన చెప్పారు. ఇనుప ఖనిజం అక్రమ రవాణాపై కర్ణాటక కాంగ్రెస్‌ చేస్తున్న పాదయాత్రను ఆయన ఉదహరించారు. ఈ అంశంపై తాము ఆరేళ్లుగా పోరాటం చేస్తున్నామని తెలిపారు.

రాష్ట్రంలోని ఖనిజ వనరులను ఇష్టమైన వారికే అప్పగిస్తున్నారని చంద్రబాబు విమర్శించారు. 30 మిలియన్‌ మెట్రిక్‌ టన్నుల ఇనుపఖనిజం అక్రమంగా ఎగుమతైనట్లు కర్ణాటక అంచనా వేసిందని ఆయన అన్నారు. ఖనిజం తరలింపు సమయంలో అనేకమంది మరణిస్తున్నారని చెప్పారు. మైనింగ్ మాఫియాను అరికట్టాలనే చిత్తశుద్ధి ప్రభుత్వానికి ఉంటే వెంటనే శ్వేతపత్రం విడుదల చేయాలని ఆయన డిమాండ్ చేశారు. ఇష్టమైన వారికి ప్రభుత్వం మైనింగ్ తవ్వకాలు అప్పగిస్తోందని ఆయన విమర్శించారు. విదేశాలకు ఇనుప ఖనిజం ఎగుమతిని నిలిపేయాలని ఆయన డిమాండ్ చేశారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X