ఇడుపులపాయలో వైయస్సార్ కు వైయస్ జగన్ నివాళి

కడప: కడప పార్లమెంటు సభ్యుడు వైయస్ జగన్ సోమవారం ఉదయం కడప జిల్లా ఇడుపులపాయలో దివంగత నేత, తన తండ్రి వైయస్ రాజశేఖర రెడ్డికి నివాళులు అర్పించారు. వైయస్సార్ ఘాట్ వద్ద తండ్రి సమాధికి పూలమాల సమర్పించి నివాళులు అర్పించారు. జగన్ తో పాటు రాజంపేట శాసనసభ్యుడు అమర్నాథ్ రెడ్డి, రాయచోటి శాసనసభ్యుడు శ్రీకాంత్ రెడ్డి, అనంతపురం శాసనసభ్యుడు గుర్నాథ్ రెడ్డి తదితరులు ఈ కార్యక్రమంలో పాల్గొన్నారు.

అనంతరం జగన్ పులివెందులకు బయలుదేరి వెళ్లారు. వైయస్ మరణవార్తకు షాక్ తిని మరణించిన 13 మంది కుటుంబ సభ్యులను ఆయన సోమ, మంగళవారాల్లో ఆయన పరామర్సిస్తారు. పలు చోట్ల వైయస్ విగ్రహాలను ఆయన ఆవిష్కరిస్తారు. జగన్ ఆదివారం రాత్రి ఇడుపులపాయకు చేరుకున్నారు. సోమవారం వైయస్ ఘాట్ పనులను కూడా పర్యవేక్షించారు.