ప్రధాని మన్మోహన్ సింగ్ ఆంధ్రప్రదేశ్ పర్యటన ఖరారు

హైదరాబాద్‌: ప్రధాని మన్మోహన్‌సింగ్‌ బుధవారంనాటి రాష్ట్ర పర్యటన అధికారికంగా ఖరారైంది. మన్నవరం ప్రాజెక్టుతోపాటు తిరుపతి అంతర్జాతీయ విమానాశ్రయం పనులకు శంకుస్థాపన చేసి తిరుమలలో శ్రీవారిని దర్శించుకోనున్నారు. ప్రధాని ఉదయం పదిన్నర ప్రాంతంలో ప్రధాని ఢిల్లీనుంచి తిరుపతి విమానాశ్రయానికి చేరుకుంటారు. అక్కడినుంచి ప్రత్యేక హెలికాప్టర్‌ లో బయలుదేరి 10.55కు మన్నవరానికి చేరుకుంటారు. అక్కడ ఎన్టీపీసీ బీహెచ్‌ఈఎల్‌ ప్రాజెక్టు శంకుస్థాపన పనుల్లో పాల్గొంటారు. అనంతరం తిరుమల వెళతారు.

12.55నుంచి 1.25 వరకు శ్రీవారి సేవలో ఉంటారు. అనంతరం పద్మావతి అతిథిగృహం చేరుకుని విశ్రాంతి తీసుకుంటారు. మూడు గంటలకు తిరుమలనుంచి బయలుదేరి రేణిగుంట వచ్చి అక్కడ 4.20కు అంతర్జాతీయ విమానాశ్రయానికి శంకుస్థాపన చేస్తారు. సాయంత్రం 5.20కు ఢిల్లీ బయలుదేరి వెళతారు.