ఎపిపిఎస్సీ గొడవపై కేంద్ర మంత్రి జైపాల్ రెడ్డి నో కామెంట్

న్యూఢిల్లీ: ఎపిపిఎస్సీ గ్రూప్ వన్ పరీక్ష గొడవపై మాట్లాడడానికి కేంద్ర మంత్రి ఎస్ జైపాల్ రెడ్డి మాట్లాడడానికి నిరాకరించారు. జైపాల్ రెడ్డి తెలంగాణకు చెందినవారనే విషయం తెలిసిందే. కేంద్ర మంత్రిగా తాను వివాదంపై మాట్లాడకూడదని ఆయన ఆదివారం మీడియా ప్రతినిధులతో అన్నారు. రాష్ట్రంలోని పరిస్థితులను కేంద్ర ప్రభుత్వం గమనిస్తోందని ఆయన అన్నారు. ప్రస్తుత పరిస్థితులను శ్రీకృష్ణ కమిటీ పరిగణనలోకి తీసుకుంటుందని తాను అనుకుంటున్నట్లు ఆయన తెలిపారు.

గ్రూప్ వన్ పరీక్షను వాయిదా వేయాలని రాష్ట్ర మంత్రులు ముఖ్యమంత్రి కె. రోశయ్యను కోరిన విషయం తెలిసిందే. కాంగ్రెసు తెలంగాణ పార్లమెంటు సభ్యులు స్వయంగా తెలంగాణ విద్యార్థులతో కలిసి ఆందోళనలో పాల్గొన్నారు. కాంగ్రెసు ఎంపిలను పోలీసులు అరెస్టు చేశారు. ఉస్మానియా విశ్వవిద్యాలయంలో జరిగిన గొడవలో కాంగ్రెసు పార్లమెంటు సభ్యుడు పొన్నం ప్రభాకర్ స్వల్పంగా గాయపడ్డారు.