మెదక్ జిల్లా రోడ్డు ప్రమాదంలో ఆరుగురు దుర్మరణం

సంగారెడ్డి: మెదక్ జిల్లాలో శుక్రవారం ఉదయం జరిగిన రోడ్డు ప్రమాదంలో ఆరుగురు దుర్మరణం పాలయ్యారు. మెదక్ జిల్లా నాలకల్ మండలం నమతాబాద్ కూడలి వద్ద ఈ ప్రమాదం జరిగింది. ఆర్టీసి బస్సును ఆటో ఢీకొనండతో ఈ ప్రమాదం సంభవించింది. గాయపడినవారిని జహీరాబాద్ ప్రభుత్వ ఆస్పత్రికి తరలించారు. ఇద్దరి పరిస్థితి ఆందోళనకరంగా ఉంది.

మృతుల్లో ఇద్దరిని నారాయణ, తిమ్మయ్యగా గుర్తించారు. మృతులంతా బాచుపల్లికి చెందినవారని భావిస్తున్నారు. కర్ణాటక రాష్ట్రంలోని ఓ ప్రాంతంలో పక్షవాతానికి మందు తీసుకోవడానికి వెళ్తుండగా వారు దుర్మరణం పాలయ్యారు. పోలీసులు కేసు నమోదు చేసుకుని దర్యాప్తు చేస్తున్నారు. ఆటో ఎదురుగా వస్తున్న బస్సును నేరుగా వెళ్లి ఢీకొన్నట్లు సమాచారం.