ప్రభుదేవా భార్య రమాలత్ నిరాహార దీక్ష: నయనతార ఫొటోల దగ్ధం

చెన్నై: తన భర్త, సినీ నటి నయనతారల మధ్య సంబంధాన్ని నిరసిస్తూ ప్రభుదేవా భార్య రమాలత్ నిరాహార దీక్షకు దిగారు. ప్రభుదేవాపై పోరాటం చేస్తున్న రమాలత్ కు మహిళా సంఘాల మద్దతు లభిస్తోంది. మహిళా సంఘాల కార్యకర్తలు నయనతార ఫొటోలను దగ్ధం చేస్తున్నారు. తన భార్య రమాలత్ కు విడాకులు ఇచ్చిన తర్వాత నయనతారను పెళ్లి చేసుకుంటానని ప్రభుదేవా ప్రకటించారు.

దీంతో ఫ్యామిలీ కోర్టులో రమాలత్ రెండు పిటిషన్లు వేశారు. తనతో కాపురం చేయాలని ప్రభుదేవాను ఆదేశించాలని ఆమె కోర్టును కోరారు. ఈ పిటిషన్ పై తుది తీర్పు వెలువడే వరకు ప్రభుదేవా, నయనతార జంటగా ఫొటోలకు ఫోజులివ్వడాన్ని కూడా ఆపించాలని ఆమె కోరారు. ఈ నెల 19వ తేదీన తన ముందు హాజరు కావాలని కోర్టు ప్రభుదేవా, నయనతారలను ఆదేశించింది.