మద్యం మత్తులో తల్లీ తమ్ముడిని గొడ్డలితో నరికి చంపిన కసాయి

మహబూబ్ నగర్: మహబూబ్ నగర్ జిల్లాలో ఓ వ్యక్తి మద్యం మత్తులో కన్నతల్లిని, సొంత తమ్ముడినే చంపిన సంఘటన స్థానికంగా సంచలనే రేకెత్తించింది. దౌల్తాబాద్ మండలం చెన్నాపూర్ గ్రామంలో ఈ సంఘటన చోటు చేసుకుంది. మంగళవారం రాత్రి బాగా తాగి అర్థరాత్రి సమయంలో ఇంటికి చేరాడు. మద్యం మత్తులో పక్కనే ఉన్న గొడ్డలి తీసుకొని నిద్రిస్తున్న తల్లిని, తమ్ముడిని దారుణంగా నరికాడు. దాంతో వారు అక్కడికక్కడే చనిపోయారు.

అయితే ఆయన వారిని చంపిన తర్వాత ఎక్కడికీ పరారు కాలేదు. తెల్లవారుజామునే ఆ దుర్ఘటనను చూసిన హంతకుడిని చెట్టుకు కట్టివేసి బాగా కొట్టారు. అనంతరం పోలీసులకు సమాచారమందించారు. పోలీసులు వచ్చి కేసు నమోదు చేసుకొని మృతదేహాలను పోస్టుమార్టంకు పంపించనున్నారు. అయితే మృతుడికి మూడు రోజుల క్రితం ఓ కొడుకు పుట్టి చనిపోయినట్లు సమాచారం. మద్యానికి అలవాటు పడి, కొడుకు మరణంతో డిప్రెషన్ తో అలా చేశాడా, లేదా ఆస్తి కోసం చేశాడా అనే కోణంలో విచారణ జరుపుతున్నారు.