జడ్పీటీసీ సభ్యులపై జగ్గారెడ్డి అనుచరుల దాడి: మంత్రి సమక్షంలోనే...

మెదక్: మెదక్ జిల్లాలో సంగారెడ్డి శాసనసభ్యుడు తూర్పు జయప్రకాశ్ రెడ్డి(జగ్గారెడ్డి) అనుచరులు తెలంగాణ ప్రతినిధులపై దాడి చేసి గందర గోళం సృష్టించారు. సంగారెడ్డిలో నిర్మల్ పురస్కార్ అవార్డుల ఉత్సవం జరుగుతోంది. ఆ సమయంలో అక్కడే ఉన్న తెలంగాణ రాష్ట్ర సమితి పార్టీకి చెందిన జిల్లా పరిషత్ సభ్యులు జై తెలంగాణ నినాదాలు చేశారు.

దీంతో శాసనసభ్యుడు జగ్గారెడ్డి అనుచరులకు తెలంగాణ జడ్పీటీసీ సభ్యులకు మధ్య వాగ్వాదం జరిగింది. రెచ్చిపోయిన జగ్గారెడ్డి అనుచరులు జడ్పీటీసీ సభ్యులపై దాటి చేశారు. అక్కడ ఉద్రిక్త వాతావరణం నెలకొంది. పోలీసులు వచ్చి పరిస్థితిని చక్కదిద్దారు. అయితే ఈ తతంగమంతా పర్యాటక శాఖామంత్రి గీతారెడ్డి సమక్షంలో జరగటం విశేషం.