పోలవరంపై జైరాం రమేష్ కు వెంకయ్యనాయుడు క్లాస్

న్యూఢిల్లీ: పోలవరం ప్రాజెక్టుకు జాతీయ హోదాపై భారతీయ జనతా పార్టీ సీనియర్ నాయకుడు వెంకయ్యనాయుడు కేంద్రమంత్రి జైరాం రమేష్ తో ఢిల్లీలోని పార్లమెంటు హాలులో మాట్లాడారు. రాష్ట్రానికి చెందిన పార్లమెంటు సభ్యుడివి అయి వుండి కూడా రాష్ట్ర సమస్యలను పట్టించుకోకుంటే ఎలా అని ప్రశ్నించినట్లు సమాచారం. పోలవరంపై అతి తొందరగా నిర్ణయం తీసుకోవాలని ఆయన జైరాం రమేష్ కు సూచించారు.

అయితే ఆంధ్రప్రదేశ్, ఒరిస్సా రాష్ట్రాల ముఖ్యమంత్రులకు సమస్య పరిష్కారానికి లేఖలు రాశానని జైరాం రమేష్ సమాధానమిచ్చారు. దానికి వెంకయ్యనాయుడు తీవ్రంగానే స్పందించినట్టు సమాచారం. లేఖలతో పనులు జరగనవి, తొందరగా క్లియరేన్సు కోసం చర్యలు చేపట్టాలని సూచించారు.