సుమూహుర్తాన సచివాలయ సమతా బ్లాక్ లోకి ముఖ్యమంత్రి కిరణ్

హైదరాబాద్: ముఖ్యమంత్రి కిరణ్ కుమార్ రెడ్డి బుధవారం ఉదయం సచివాలయానికి చేరుకున్నారు. కిరణ్ కుమార్ రెడ్డి కారణంగా ముఖ్యమంత్రి కార్యాలయంతో పాటు సచివాలయాన్ని ముస్తాబు చేశారు. కిరణ్ పండితులు సూచించిన సుమూహూర్తం 10.52 నిమిషాలకు సచివాలయంలోని సమతా బ్లాక్ లోకి ప్రవేశించారు. సచివాలయానికి చేరుకున్న ఆయన మొదట నల్లపోచమ్మ ఆలయంలో పూజలు చేశారు. వేద పండితులు మంత్రాలు చదువుతుండగా ఆయన సి బ్లాక్ లోని తన చాంబర్లోకి ప్రవేశించారు.

సచివాలయ అధికారులు, ముఖ్యమంత్రి పేషీ ఆధికారులు, కొత్తమంత్రులు సచివాలయంలోకి ప్రవేశించిన కిరణ్ కు ఘనస్వాగతం పలికారు. కాగా ముఖ్యమంత్రి మంత్రివర్గంచే ప్రమాణ స్వీకారం చేయించడానికి రాజ్ భవన్ కు బయలుదేరనున్నారు. కాగా ముఖ్యమంత్రిగా పదవీ బాధ్యతలు చేపట్టిన వారం రోజుల తర్వాత కిరణ్ తన చాంబర్లోకి వెళ్లారు.