అవినీతి రాజు వైయస్ సమాధి వద్ద జగన్ ధర్నా చేయాలి: చంద్రబాబు

ఏలూరు: మాజీ పార్లమెంటు సభ్యుడు వైయస్ జగన్మోహన్‌ రెడ్డి కృష్ణా నీటి కోసం ఢిల్లీలో కాకుండా లక్షల కోట్ల అక్రమాలకు పాల్పడిన తన తండ్రి, దివంగత ముఖ్యమంత్రి వైయస్ రాజశేఖర రెడ్డి సమాధి వద్ద ధర్నా చేయాలని సోమవారం పశ్చిమ గోదావరి జిల్లా తాడేపల్లిగూడంలో విలేకరుల సమావేశంలో డిమాండ్ చేశారు. మూడు రోజుల రైతుల పరామర్శలో భాగంగా హైదరాబాద్‌నుండి బయలు దేరిన చంద్రబాబు తాడేపల్లిగూడెం చేరుకున్నారు. వైయస్ జగన్ లక్షల కోట్లు ఎలా సంపాదించారని ఆయన ప్రశ్నించారు. వైయస్ అవినీతితో రాష్ట్రం పూర్తిగా భ్రష్టు పట్టిందన్నారు. వైయస్ కారణంగా రాష్ట్రం కుక్కలు చింపిన విస్తరిలా మారిందని ధ్వజమెత్తారు.

2జి స్పెక్ట్రం, వైయస్ అవినీతి కారణంగా రాష్ట్రం, దేశం పూర్తిగా వెనుకబడి పోయిందన్నారు. అవినీతి తిమింగలాలు ఆర్థిక సంస్కరణలు బలహీన పరిచాయని విమర్శించారు. కేంద్ర ప్రభుత్వంగానీ, రాష్ట్ర ప్రభుత్వంగానీ రైతులకు సరియైన న్యాయం చేసే వరకు తెలుగుదేశం పార్టీ ఆధ్వర్యంలో పోరాడుతామని చెప్పారు. అవినీతిని పూర్తిగా అంతమొందిస్తేనే దేశం అభివృద్ధి చెంది ముందుకు వెళుతుందన్నారు.