ఇరాన్ ‌లో విషాదం, విమానం కూలి 72 మంది దుర్మరణం

టెహరాన్‌: ఇరాన్‌లో జరిగిన విమానప్రమాదంలో 72 మంది వరకు మృతి చెందారు. టెహరాన్‌ నుంచి బయలుదేరిన ఇరాన్‌ ఎయిర్‌ బోయింగ్‌ 727 విమానం ఉరుమియే సమీపంలో కిందపడి ముక్కలైంది. ఆ సమయంలో విమానంలో సిబ్బంది కాకుండా 100 మంది ప్రయాణీకులు ఉన్నారు. 33మంది ప్రాణాలతో బయటపడ్డారని అజర్‌బైజాన్‌ రాష్ట్ర వైమానిక అధికారులు తెలిపారు.

మంచు విపరీతంగా ఉండటంతో దారి కనిపించక ఈ ప్రమాదం జరిగినట్లు తెలుస్తోంది. బయలుదేరే సమయంలోనూ వాతావరణం సరిగాలేక గంట ఆలస్యంగా ఈ విమానం బయలుదేరింది. మృతుల సంఖ్య పెరిగే అవకాశం ఉంది. సహాయక చర్యలు కొనసాగుతున్నాయి. మంచు వల్ల, వాతావరణం సరిగా లేకపోవడం వల్ల సహాయక చర్యలకు ఆటంకాలు ఎదురవుతున్నట్లు తెలుస్తోంది.