చంచల్‌ గూడ జైలులో హిందూవాహిని కార్యకర్తపై ఐఎస్ ఐ ఖైదీ దాడి

హైదరాబాద్: నిత్యం వివాదాలకు నిలయంగా మారిన చంచల్‌గూడ జైలులో ఓ ఖైదీ తోటి ఖైదీపై దాడికి దిగిన సంఘటన గురువారం చోటు చేసుకుంది. నగేష్ అనే ఖైదీపై మరో ఖైదీ దాడి చేశారు. దీంతో నగేష్ తీవ్రంగా గాయపడ్డాడు. గాయపడ్డ ఖైదీని పోలీసులు దగ్గరలోని ఉస్మానియా ఆసుపత్రికి తరలించారు. దీనిపై మానవ హక్కుల కమిషన్‌లో కూడా పిటిషన్ వేయాలని పలువురు యోచిస్తున్నట్టుగా తెలుస్తోంది.

చంచల్‌గూడ జైలులో ఇలాంటి సంఘటనలు పునరావృతం కావటంతో ఈ నిర్ణయానికి వచ్చినట్లు తెలుస్తోంది. ఖైదీలకు సెల్ ‌ఫోన్లు అందించడం, ఖైదీలు కొట్టుకోవడం వంటి సంఘటనలు తరుచూగా జరుగుతున్నాయి. కాగా గాయపడ్డ నగేష్ హిందూవాహిని కార్యకర్తగా సమాచారం. దాడి చేసిన వ్యక్తి ఐఎస్ ఐకి చెందిన కార్యకర్తగా తెలుస్తోంది.