జెపిపై దాడి చేసిన వారిపై చర్యలు తీసుకుంటాం: స్పీకర్ నాదెండ్ల

హైదరాబాద్: లోక్‌సత్తా అధ్యక్షుడు, ఎమ్మెల్యే జయప్రకాశ్ నారాయణపై దాడి చేసిన వారిపై చర్యలు తీసుకుంటామని శాసన సభాపతి నాదెండ్ల మనోహర్, మండలి చైర్మన్ చక్రపాణి గురువారం స్పష్టం చేశారు. తెలంగాణ రాష్ట్ర సమితి నాయకులు ఎందుకు దాడి చేయాల్సి వచ్చిందో, వారిపై ఎలాంటి చర్యలు తీసుకోవాలో నివేదిక వచ్చాక నిర్ణయం తీసుకుంటామన్నారు. నివేదిక వచ్చిన తర్వాత దానిని స్టడి చేసి చర్యలు తీసుకుంటామని చెప్పారు. చర్యలు మాత్రం తప్పకుండా ఉంటాయని, అయితే ఎలాంటి చర్యలు అనేది ఇప్పుడే చెప్పలేమన్నారు. శాసనసభ, మండలి సభ్యులను కూడా సంప్రదిస్తామని చెప్పారు.

అసెంబ్లీలో శాసన మండలి సభ్యులకు రక్షణ కల్పించాల్సిన బాధ్యత మాపై ఉందని వారు చెప్పారు. శాసనసభలో జరిగే పరిణామాలపై మా బాధ్యత ఉంటుందని అన్నారు. నివేదిక కోసం చీఫ్ మార్షల్స్‌ను కోరామని చెప్పారు. ఇలాంటి ఘటనలు పునరావృతం కాకుండా చూస్తామని చెప్పారు.

English summary

Assembly Deputy Speaker Nadendla Manohar and Council Chairman Chakrapani condemned TRS attack on JP today. They said we will take action on trs mlas, who attacked.