హసన్ అలీ అరెస్టుకు అవకాశం, ఐటి శాఖ సమన్లు

న్యూఢిల్లీ: నల్లధనం వ్యవహారంలో చర్యలు తీసుకోవడానికి కేంద్ర ప్రభుత్వం ఇష్టంగా లేదని సుప్రీంకోర్టు వ్యాఖ్యానించిన 24 గంటల్లో హసన్ అలీకి ఎన్‌ఫోర్స్‌మెంట్ డైరెక్టరేట్, ఆదాయం పన్ను శాఖ సమన్లు జారీ చేసినట్లు తెలుస్తోంది. హసన్ అలీ భారతదేశంలోనే అతి పెద్ద పన్ను ఎగవేతదారుడని భావిస్తున్నారు. పూణేకు చెందిన హసన్ అలీ లెక్కలు చూపని బిలియన్ డాలర్ల మొత్తాన్ని 2009లో విదేశాలకు తరలించినట్లు ఆరోపణలున్నాయి. యాభై వేల కోట్ల పన్ను డిమాండ్‌పై హసన్ అలీకి సమన్లు జారీ అయ్యాయి.

విదేశీ మారక ద్రవ్య నిర్వహణ చట్టం ఉల్లంఘనల ఆరోపణలకు సంబంధించి తదుపరి విచారణ నిమిత్తం తమ ముందు హాజరు కావాలని ఎన్‌ఫోర్స్‌మెంట్ డైరెక్టరేట్ అలీకి నోటీసు జారీ చేసింది. పూణేలోని కోరేగావ్‌లో గల హసన్ ఇంటిపై ఐటి శాఖ 2007 జనవరిలో దాడులు నిర్వహించింది. జ్యురిచ్‌లోని యుబిఎస్ ఖాతాలో 8.04 అమెరికా డాలర్లు ఉన్నాయనే ఆరోపణలకు సంబంధించిన పత్రాలను స్వాధీనం చేసుకుంది. హసన్ అలీ ఫిబ్రవరి 19వ తేదీన ఐటి శాఖ ముందు విచారణ నిమిత్తం హాజరయ్యాడు. ఫిబ్రవరి 19వ తేదీన ఐటి శాఖ ముందు హాజరు కావడానికి ముందు హసన్ అలీ రెండేళ్ల పాటు పరారీలో ఉన్నాడు.

English summary

Within 24 hours of the Supreme Court reprimanding the central government for not having the "will power" to act against black money hoarders, reports claimed, Friday, the Enforcement Directorate and the Income Tax department have issued fresh summons to Hasan Ali Khan - dubbed as India’s biggest tax evader.