ధర్మవరం ఎమ్మెల్యే కేతిరెడ్డి వెంకట్రామిరెడ్డి చిన్నాన్నపై హత్యాయత్నం

అనంతపురం: ఫ్యాక్షన్ జిల్లాలో హత్యాయత్నం జరిగింది. అనంతపురం జిల్లా ధర్మవరం శాసనసభ్యుడు కేతిరెడ్డి వెంకట్రామిరెడ్డి చిన్నాన్న అయిన కేతిరెడ్డి పెద్దారెడ్డిపై బుధవారం హత్యాయత్నం జరిగింది. అయితే ఈ హత్యా యత్నం ఆయన ప్రత్యర్థులు చేసినట్టుగా తెలుస్తోంది. ఆయనకు చెందిన వ్యవసాయ భూమి కంచెకు విద్యుత్ షాక్ ఏర్పాటు చేయడం ద్వారా హత్య యత్నానికి పాల్పడ్డారు. యిల్లనూరు మండలం కొడగండ్లపల్లిలో ప్రత్యర్థులు ఆయనను హత్య చేయడానికి ఓ పంట తోట కరెంటు షాక్‌ను ఏర్పాటు చేశారు.

అయితే వారు విద్యుత్ షాక్ ఫెన్సింగ్‌కు పెట్టడాన్ని పెద్దారెడ్డి అనుచరులు ముందుగానే గుర్తించడంతో ప్రమాదం తప్పింది. అయితే ఈ విషయంపై స్థానిక పోలీసులకు పెద్దారెడ్డి వర్గం ఫిర్యాదు చేసింది. దీంతో పోలీసులు నలుగురిని అదుపులోకి తీసుకున్నారు.