విశాఖలో వైయస్ జగన్ కారు ఎక్కిన కేంద్రమంత్రి పురంధేశ్వరి

By Srinivas

Published: Monday, March 28, 2011, 12:38 [IST]

విశాఖపట్నం: కేంద్రమంత్రి పురంధేశ్వరి సోమవారం కొంత అయోమయానికి గురయ్యారు. మాజీ పార్లమెంటు సభ్యుడు, వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి కారును ఎక్కారు. ఆ తర్వాత తేరుకొన్న ఆమె మళ్లీ తిరిగి తన కారులోకి ఎక్కి కూర్చున్నారు. సోమవారం విశాఖపట్నం ఎయిర్ పోర్టులో ఈ ఆశ్చర్యకర సంఘటన చోటు చేసుకుంది. విశాఖ ఎయిర్ పోర్టు నుండి బయటకు వచ్చిన అనంతరం పురంధేశ్వరి అక్కడే ఉన్న వైయస్ జగన్మోహన్ రెడ్డి కారును తన కారుగా భావించి అందులోకి ఎక్కి కూర్చున్నారు.

దీంతో కాంగ్రెసు కార్యకర్తలు మేడం ఇది మన కారు కాదు జగన్ కారు అని చెప్పడంతో ఆమె వెంటనే తేరుకొని కారు దిగి తన కారులోకి వెళ్లి కూర్చుంది. సోమవారం జగన్ విజయనగరం జిల్లా ఓదార్పు ప్రారంభమైంది. దీంతో అక్కడ జగన్ కారు ఉంది. ఓదార్పు యాత్రలో పాల్గొనడానికి వచ్చిన వైయస్ జగన్‌కు విశాఖపట్నం విమానాశ్రయంలో పార్లమెంటు సభ్యుడు సబ్బం హరి, కాంగ్రెసు శాసనసభ్యుడు బాబూరావు, వైయస్సార్ కాంగ్రెసు పార్టీ నాయకుడు భూమన కరుణాకర్ రెడ్డి స్వాగతం చెప్పారు.

Published On March 28, 2011