• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

హజారే దెబ్బకు దిగొచ్చిన ప్రభుత్వం, అధికారిక ప్రకటనే తరువాయి

By Pratap
|

Anna Hazare
న్యూఢిల్లీ: అన్నా హజారే దీక్షకు భారతీయులంతా ముక్తకంఠంతో మద్దతు తెలపడంతో కేంద్ర ప్రభుత్వం దిగి వచ్చిది. లోక్‌పాల్‌బిల్లుపై ముసాయిదా తీర్మానానికి అంగీకరించిన ప్రభుత్వం శనివారం అధికారిక ప్రకటన చేయనుంది. అనంతరం అన్నాహజారే దీక్ష విరమిస్తారు. 72 ఏళ్ల అన్నా హజారే ఈనెల 5న అవినీతికి వ్యతిరేకంగా ఆమరణ దీక్ష మొదలుపెట్టారు. రెండో స్వాతంత్య్ర సంగ్రామంగా ఆయన దీన్ని పేర్కొన్నారు. అవినీతిని ఎదుర్కోవడానికి జనలోక్‌పాల్‌ బిల్లు ప్రవేశపెట్టి తీరాల్సిందేనని ప్రభుత్వంపై ఒత్తిడి తెచ్చారు. నాలుగు రోజులపాటు సాగిన హజారే పోరాటం కాశ్మీరం నుంచి కన్యాకుమారి వరకు అందరినీ కదిలించింది.

మేధావులు, యువత, స్వచ్ఛంద సేవా సంస్థలు, సినీరంగ ప్రముఖులు, మహిళా సంఘాల ప్రతినిధులు ఒక్కతాటిమీదికి వచ్చి అవినీతి వ్యతిరేకపోరాటానికి మద్దతుగా ర్యాలీలు, ప్రదర్శనలు నిర్వహించారు. అవినీతిని అరికట్టే విషయంలో తన ఎజెండాను ప్రభుత్వానికి, ప్రజలకు తెలియజెప్పడంలో హజారే విజయం సాధించారు.

అన్నా హజారే ప్రతినిధులతో గత రెండు రోజులుగా కేంద్ర ప్రభుత్వం చర్చలు జరపగా శుక్రవారం రాత్రి ఈ చర్చలు ఒక కొలిక్కి వచ్చాయి. లోక్‌పాల్‌ బిల్లు రూపకల్పనకు హజారే ఆమోదించిన వ్యక్తులతో సంయుక్త కమిటీ వేయడానికి ప్రభుత్వం ఒప్పుకొంది. కమిటీ ఆధ్వర్యంలో జూన్‌ 30 లోగా ముసాయిదా బిల్లు రూపకల్పన పూర్తిచేసి, వచ్చే పార్లమెంట్‌ సమావేశాల్లో బిల్లును ప్రవేశపెట్టనున్నట్లు కేంద్ర మంత్రి కపిల్‌సిబల్‌ ప్రకటించారు.

అన్నా హజారే ఈరోజు దీక్ష విరమించడానికి అంగీకరించడం పట్ల ప్రధాని మన్మోహన్‌ సింగ్‌ ఆనందం వ్యక్తంచేశారు. పార్లమెంటు వర్షాకాల సమావేశాల్లో లోక్‌పాల్‌ బిల్లు ప్రవేశపెడతామని ప్రధాని ఈ సందర్భంగా హామీ ఇచ్చారు.

English summary
Four days after he launched a fast here that caught the imagination of India, iconic Gandhian leader Anna Hazare Friday night declared "victory" in the campaign for a stringent Lokpal Bill to battle corruption and said he will end his hunger strike Saturday morning.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X