మచిలీపట్నంలో కెసిఆర్‌పై కేసు, బ్రాహ్మణ యువజనుల ఫిర్యాదు

మచిలీపట్నం‌: తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుపై మచిలీపట్నం పోలీసులు కేసు నమోదు చేశారు. బ్రాహ్మణ యువజన సంఘం కార్యదర్శి ఫణికుమార్ ఫిర్యాదు మేరకు పోలీసులు ఆ కేసు నమోదు చేశారు. ఆంధ్ర బ్రాహ్మణులపై చేసిన వ్యాఖ్యలపై ఫణికుమర్ కెసిఆర్‌పై ఫిర్యాదు చేశారు. ఆంధ్ర బ్మాహ్మణులకు ఆడంబరాలు ఎక్కువని, విషయ పరిజ్ఞానం తక్కువని వ్యాఖ్యానించిన కెసిఆర్ తమను కించపరిచారని ఫణికుమార్ ఫిర్యాదు చేశారు.

కెసిఆర్ వ్యాఖ్యలు ఒక ప్రాంతాన్ని, ఒక కులాన్ని కించపరిచే విధంగా ఉన్నాయని ఆయన ఆరోపించారు. కెసిఆర్ వ్యాఖ్యలపై సీమాంధ్రలో నిరసన పెల్లుబుకుతోంది. సీమాంధ్రలోని పలు ప్రాంతాల్లో కెసిఆర్‌కు వ్యతిరేకంగా నిరసన ప్రదర్శనలు జరిగాయి. కెసిఆర్‌కు బ్రాహ్మణులు పిండ ప్రదానం కూడా చేశారు. కాగా, కెసిఆర్ ఆంధ్ర బ్రాహ్మణులపై తాను చేసిన వ్యాఖ్యలకు కట్టుబడి ఉన్నానని సోమవారం చెప్పారు.

English summary

A case was booked against TRS president K Chandrasekhar for making derrogatory comments on Andhra Brahmins. Brahmin youth association secretary Phanikumar has complained against KCR.