వదిన వైయస్ విజయమ్మపై తొలిసారి వైయస్ వివేకానంద విమర్శలు

కడప: పులివెందుల శానససభ స్థానానికి జరుగుతున్న ఉప ఎన్నికల్లో తొలిసారి కాంగ్రెసు అభ్యర్థి వైయస్ వివేకానంద రెడ్డి తన ప్రత్యర్థి, వదిన విజయమ్మపై విమర్శలు చేశారు. ఆయన శనివారం తన ప్రచారంలో భాగంగా వైయస్సార్ కాంగ్రెసు పార్టీ అభ్యర్థి విజయమ్మపై వ్యాఖ్యలు చేసి అందరినీ ఆశ్చర్యపరిచారు. ఇప్పటి వరకు ఆయన తనను గెలిపించాలని, తనను గెలిపిస్తే అందరికీ అందుబాటులో ఉంటానని చెబుతూ వచ్చారే తప్ప విజయమ్మపై పల్లెత్తు మాట అనలేదు. ఆ హద్దులను ఆయన శనివారం దాటారు.

తన వదిన విజయమ్మను గెలిపిస్తే ఆమె బెంగళూర్‌లో ఉంటారో, హైదరాబాదులో ఉంటారో తెలియదని, ప్రజలకు అందుబాటులో ఉండరని ఆయన అన్నారు. తనను గెలిపిస్తే అందరికీ అన్నివేళలా అందుబాటులో ఉంటానని చెప్పారు. విజయమ్మను గెలిపిస్తే ఇంచార్జీలను పెడతారని, ఆ ఇంచార్జీలతో తాము పడలేమని ఆయన చెప్పారు. ప్రజారాజ్యం పార్టీ అధ్యక్షుడు చిరంజీవితో పాటు ఆయన శనివారం కూడా పులివెందుల శానససభా నియోజకవర్గంలో రోడ్ షోలో పాల్గొన్నారు.

English summary

Pulivendula assembly segment Congress candidate YS Vivekananda Reddy first time made comments against YS Vijayamma.