డిఎల్‌కు ఓటమి భయం: వైయస్సార్ కాంగ్రెస్, కాంగ్రెసు మధ్య ఘర్షణ

కడప: ఆరోగ్య శాఖ మంత్రి డిఎల్ రవీంద్రారెడ్డి ఓటమి భయంతోనే తమపై ఆరోపణలు చేస్తున్నారని వైయస్ఆర్ కాంగ్రెసు పార్టీ నేత పిఎన్వీ ప్రసాద్ ఆదివారం అన్నారు. జగన్ భారీ ఆధిక్యంతో గెలుపొందడం ఖాయమన్నారు. తన ఓటమి ఖాయమని తెలిసి డిఎల్ ఇక ఆరోపణలకు తెరదీశారన్నారు. ఎన్నికలలో డిఎల్ రవీంద్రారెడ్డియే భారీగా అక్రమాలకు పాల్పడుతున్నారని ఆరోపించారు.

డిఎల్ అక్రమాలపై ఈసి కఠిన చర్యలు తీసుకోవాలని కోరారు. అధికారులు వైయస్ఆర్ కాంగ్రెసు పార్టీ ఫిర్యాదులకు సరిగా స్పందించకుండా అధికార కాంగ్రెసు పార్టీ తొత్తులుగా వ్యవహరిస్తున్నారని అన్నారు. కాగా లింగాల మండలం బోనాలలో గుర్తు తెలియని వ్యక్తులు రెండు ఈవిఎంలు ధ్వంసం చేశారు. వేముల మండలం కనుమలపల్లో గ్రామంలో కాంగ్రెసు, వైయస్ఆర్ కాంగ్రెసు పార్టీ కార్యకర్తల మధ్య ఘర్షణ చోటు చేసుకుంది.

English summary

YSR Congress Party leader PNV Prasad said today that Minister DL Ravindra Reddy was in fear of defeat.