వైయస్ జగన్‌తో ఎలా కలుస్తాను, కేంద్రమంత్రి కుట్ర అవాస్తవం: నాగం

మహబూబ్‌నగర్: మాజీ పార్లమెంటు సభ్యుడు వైయస్ జగన్మోహన్ రెడ్డి స్థాపించిన వైయస్ఆర్ కాంగ్రెసు పార్టీలో తాను ఎలా చేరతానని, అలాంటి వార్తలలో ఎలాంటి నిజం లేదని తెలుగుదేశం పార్టీ సీనియర్ ఎమ్మెల్యే నాగం జనార్ధన్ రెడ్డి సోమవారం ఓ టీవి కార్యక్రమంలో స్పష్టం చేశారు. దివంగత ముఖ్యమంత్రి వైయస్ రాజశేఖరరెడ్డికి వ్యతిరేకంగా తాను అసెంబ్లీలో గళం విప్పానని ఆయన గుర్తు చేశారు. అలాంటి వారితో తాను ఎలా కలుస్తానని ప్రశ్నించారు. తాను తెలుగుదేశం పార్టీలోనే ఉంటానని చెప్పారు. మరే పార్టీలో చేరేది లేదని స్పష్టం చేశారు.

ఎవరు వచ్చినా రాకపోయినా సభ జరుగుతుందని అన్నారు. తెలంగాణ సాధనే మా లక్ష్యం అని చెప్పారు. జెండాలు, అజెండాలు పక్కన పెట్టి అందరూ కలిసి పోరాడాలని ఆయన సూచించారు. అప్పుడే తెలంగాణ వస్తుందన్నారు. తెలంగాణలో టిడిపిని భూస్థాపితం చేసేందుకు ఓ కేంద్రమంత్రి కుట్ర పన్నుతున్నారన్న వ్యాఖ్యల్లో వాస్తవం లేదన్నారు.

English summary

TDP senior leader Nagam Janardhan Reddy clarified that he will never leave TDP. He condemned that his joining in YS Jagan's party.