• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

టిడిపిలో నాగం ప్రకంపనలు: పరోక్ష హెచ్చరికలపై తర్జన భర్జన

By Srinivas
|

Nagam Janardhan Reddy
హైదరాబాద్: తెలుగుదేశం పార్టీ సీనియర్ శాసనసభ్యుడు నాగం జనార్ధన్ రెడ్డి తెలంగాణ నగారా సభ ఆ పార్టీలో ప్రకంపనలు సృష్టిస్తున్నట్టుగా కనిపిస్తోంది. ఇన్నాళ్లు కేవలం మీడియా ప్రతినిధుల సమావేశాలలో మాత్రమే పార్టీని వ్యతిరేకిస్తున్నట్టుగా మాట్లాడి ఆ తర్వాత తాను తెలంగాణకు కట్టుబడి ఉన్నానని, అయితే పార్టీ ప్రకారమే నడుచుకుంటానని చెప్పిన నాగం జనార్ధన్ రెడ్డి నాగర్‌కర్నూల్‌లో సోమవారం ఏర్పాటు చేసిన మహాసభలోనే పరోక్షంగా తెలుగుదేశం పార్టీని లక్ష్యంగా చేసుకొని తీవ్ర వ్యాఖ్యలు చేశారు. మహాసభలో నాగం చేసిన వ్యాఖ్యలపై ఇటు తెలంగాణ, అటు సీమాంధ్ర నాయకులు తీవ్రంగా చర్చిస్తున్నారు. తెలంగాణ విషయంలో తాను ఎవరి మాటను వినే పరిస్థితి లేదని, ఎంతకైనా తెగిస్తానని చెప్పారు. పార్టీ తెలంగాణకు వ్యతిరేకంగా నిర్ణయం తీసుకుంటే పార్టీని వీడి బయటకు వెళ్లడానికి కూడా సిద్ధంగా ఉన్నట్టు ప్రకటించారు.

ఇలా బాహాటంగా బహిరంగ సభలో నాగం టిడిపిని పరోక్షంగా టార్గెట్ చేయడం టిడిపి అధినేతతో పాటూ తమ్ముళ్లకు మింగుడు పటడం లేదు. పార్టీలోనే ఉంటూ ఇరకాటానికి గురి చేస్తున్న నాగంపై చర్యలు తీసుకోవాల్సిందిగా సీమాంధ్రతో పాటు తెలంగాణ ప్రజాప్రతినిధులు కూడా చంద్రబాబుకు ఫిర్యాదు చేస్తున్నారు. అయితే నాగంపై చర్యలు తీసుకుంటే తెలంగాణ వ్యతిరేక ముద్ర పడుతుందన్న భావనతో ఊరుకుంటున్నట్లుగా తెలుస్తోంది. అయితే పార్టీలోనే ఉంటూ నాగంకు చెక్ చెప్పేందుకు అవసరమైన చర్యలు తీసుకునే ఉద్దేశ్యంలో భాగంగా మంగళవారం బాబు తెలంగాణ ప్రజాప్రతినిధులతో సమావేశం అయ్యారు.

నాగం వ్యవహార శైలిపై, బహిరంగ సభలో ఆయన టిడిపిని టార్గెట్ చేసి మాట్లాడిన తీరుపై క్షుణ్ణంగా చర్చించినట్లుగా తెలుస్తోంది. నాగంకు చెక్ చెప్పడానికి ఏం చేయాలా అని వారు తీవ్రంగా చర్చ జరిపినట్లుగా తెలుస్తోంది. అంతేకాదు నాగం సభకు టిడిపి క్రమశిక్షణా సంఘం చైర్మన్ విజయరామారావు వెళ్లడం కూడా టిడిపి నేతలకు మింగుడు పడటం లేదని సమాచారం. నాగం సభకు ఆరుగురు శాసనసభ్యులు హాజరయ్యారు. పార్టీలో ఉంటూనే పార్టీపై తిరుగు బాటు చేస్తున్న నాగంకు ఎలాగైనా చెక్ చెప్పాలని చంద్రబాబు కూడా తీవ్రంగా యోచిస్తున్నట్టుగా తెలుస్తోంది. అందుకే కన్వీనర్ లేకుండా తెలంగాణ సమన్వయ కమిటీ వేసే ఆలోచనలో ఉన్ట్టు తెలుస్తోంది.

English summary
TDP senior MLA Nagam Janardhan Reddy was creating crisis in Telugudesam party with his attitude. He was targetted TDP indirectly on Telangana issue.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X