గెలుస్తామనుకోలేదన్న ఆజాద్, జగన్‌ను వెళ్లి పరేడ్ చేయమన్న బొత్స

న్యూఢిల్లీ: దివంగత ముఖ్యమంత్రి వైయస్ రాజశేఖరరెడ్డి కుటుంబం పోటీలో ఉన్న చోట గెలుస్తామని ఎవరూ అనుకోరని కేంద్రమంత్రి, రాష్ట్ర వ్యవహారాల ఇంఛార్జ్ గులాం నబీ ఆజాద్ శుక్రవారం అన్నారు. మాజీ పార్లమెంటు సభ్యుడు జగన్మోహన్ రెడ్డి, వైయస్ సతీమణి విజయమ్మ విజయం ఊహించిందేనని చెప్పారు. కడప, పులివెందుల ఉప ఎన్నికలు రాష్ట్ర స్థాయిలో కానీ, జాతీయస్థాయిలో కానీ ప్రభావితం చేయలేవని చెప్పారు.

కాగా జగన్‌కు ప్రభుత్వాన్ని పడగొట్టే మెజార్టీ ఉంటే వెళ్లి గవర్నర్ భవన్ ముందు పరేడ్ చేయమనండి అని మంత్రి బొత్స సత్యనారాయణ అన్నారు. కడప ఉప ఎన్నికలు ఎవరినీ ప్రభావితం చేయవని ఎమ్మెల్సీ పొంగులేటి సుధాకర్ రెడ్డి అన్నారు. వైయస్ రాజశేఖరరెడ్డి మీద ఉన్న సానుభూతిని జగన్ సొమ్ము చేసుకున్నారని చెప్పారు.

English summary

Ghulam Nabi Azad said today that they were already know about Ex MP YS Jagan's win.