కరుణానిధి ప్రభుత్వానికి బుద్ధి చెప్పారు: అన్నాడిఎంకె అధినేత్రి జయలలిత

By Srinivas

Published: Friday, May 13, 2011, 16:15 [IST]

చెన్నై: తమిళనాడు ముఖ్యమంత్రి కరుణానిధి నేతృత్వంలోని ద్రవిడ మున్నేట్ర కజగం పార్టీకి తమిళ వోటర్లు గట్టి బుద్ధి చెప్పారని అన్నాడిఎంకె అధినేత్రి జయలలిత శుక్రవారం విలేకరులతో మాట్లాడుతూ అన్నారు. అన్నాడిఎంకె పార్టీ విజయం ప్రజల గెలుపు అన్నారు. పార్టీ అఖండ మెజార్టీతో గెలుపొందడంపై ఆమె ఓటర్లకు ధన్యవాదాలు తెలిపారు. డిఎంకె ప్రభుత్వంలో తమిళనాడు పూర్తిగా నాశమైందన్నారు. దానిని పునర్నిర్మానం చేయాల్సిన అవసరం ఉందన్నారు.

ధనంతో అధికారాన్ని కొనాలనుకున్న డిఎంకె పార్టీకి ప్రజలు గట్టి బుధ్ది చెప్పారన్నారు. కరుణానిధి ప్రభుత్వంపై తమిళ ప్రజలకు అసంతృప్తి ఉన్నదని చెప్పడానికి మా విజయమే మంచి నిదర్శనం అన్నారు. తమిళనాడు ఎన్నికలు పారదర్శకంగా జరిపించినందుకు ఎన్నికల సంఘానికి కూడా ఆమె కృతజ్ఞతలు తెలిపారు. కూటమి నేతృత్వంలో ప్రభుత్వాన్ని ఏర్పాటు చేస్తామని చెప్పారు.

Published On May 13, 2011