పేలిన బ్రిటిష్ విమానం టైర్: చిరంజీవి, నాగార్జునలకు తప్పిన ముప్పు

హైదరాబాద్: ప్రముఖ సినీ నటులు చిరంజీవికి, నాగార్జునకు తృటిలో ప్రాణాపాయం తప్పింది. మంగళవారం ఉదయం హైదరాబాదులోని శంషాబాద్ రాజీవ్ గాంధీ అంతర్జాతీయ విమానాశ్రయం నుండి లండన్ వెళ్ల వలసిన హైదరాబాద్ - బ్రిటిష్ విమానానికి ఘోర ప్రమాదం తప్పింది. ఉదయం గం.7.10 నిమిషాలకు హైదరాబాదు నుండి బయలు దేరవలసి ఉంది. అయితే విమానం టేకాఫ్ అవుతున్న సమయంలో వెనుక టైరులో పగుళ్లు ఏర్పడినాయి. అయితే ఈ ప్రమాద విషయాన్ని పైలట్ వెంటనే గుర్తించాడు. దీంతో ప్రమాదం తప్పింది.

ఎమర్జెన్సీ టైర్ సహాయంతో విమానాన్ని కిందకు దింపారు. పైలట్ చాకచక్యం కారణంగా ఘోర ప్రమాదం తప్పింది. ఈ విమానంలో చిరంజీవి, నాగార్జునతో పాటు పలువురు ఇతర ప్రముఖులు ఉన్నట్టుగా తెలుస్తోంది. కాగా విమానంలో తలెత్తిన సాంకేతిక లోపాన్ని పరీశీలిస్తామని అధికారులు చెబుతున్నారు.

English summary

Cine hero Nagarjuna escaped from accident in Hyderabad. Air craft mishap averted.