కాంగ్రెసులో రేసులూ పరుగు పందేలూ ఉండవు: మంత్రి బొత్స

హైదరాబాద్: కాంగ్రెసు పార్టీలో రేసులు, పరుగు పందేలు ఉండవని మంత్రి బొత్స సత్యనారాయణ అన్నారు. ప్రదేశ్ కాంగ్రెసు కమిటీ (పిసిసి) అధ్యక్ష పదవి రేసులో తాను ఉన్నట్లు వచ్చిన వార్తలపై ఆయన బుధవారం మీడియా సమావేశంలో ఆ విధంగా వ్యాఖ్యానించారు. పిసిసి అధ్యక్ష పదవికి రేసంటూ ఏమీ లేదని, ఆ రేసులో తాను ఉన్నట్లు వచ్చిన వార్తల్లో నిజం లేదని ఆయన అన్నారు. ఉప ముఖ్యమంత్రి, పిసిసి అధ్యక్ష పదవులకు పార్టీ అధిష్టానం తగిన నాయకులను ఎంపిక చేస్తుందని ఆయన అన్నారు. ఈ పదవుల ఎంపికపై వచ్చిన వార్తలన్నీ ఊహాగానాలేనని ఆయన అన్నారు.

పదవులకు పార్టీ అధిష్టానమే తగిన నాయకులను ఎంపిక చేస్తుందని ఆయన చెప్పారు. అయితే, నియామకాల విషయంలో ప్రాంతాలు, వర్గాల మధ్య సమతుల్యత పాటించాల్సి ఉంటుందని ఆయన అభిప్రాయపడ్డారు. ప్రజాపథం నిర్వహణపై ప్రభుత్వం వెనక్కి తగ్గలేదని ఆయన చెప్పారు. రచ్చబండ కార్యక్రమంలో అందిన ఫిర్యాదుల పరిష్కారానికి తగిన కార్యాచరణ ఉంటుందని ఆయన చెప్పారు.

English summary

Minister Botsa satyanarayana said that he is not in race for PCC president post.