• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ఎమ్మెల్యేగా చిరంజీవి రాజీనామా, తిరుపతి సీటుకు ఉప ఎన్నిక?

By Pratap
|

Chiranjeevi
హైదరాబాద్: శానససభ సభ్యత్వానికి ప్రజారాజ్యం పార్టీ అధ్యక్షుడు చిరంజీవి రాజీనామా చేస్తారనే ప్రచారం జరుగుతోంది. ఆయనను కేంద్ర మంత్రి వర్గంలోకి తీసుకోవడానికి కాంగ్రెసు అధిష్టానం సిద్దం కావడం వల్ల ఎమ్మెల్యేగా రాజీనామా చేస్తారని అంటున్నారు. దీనివల్ల తిరుపతి శాసనసభా నియోజకవర్గానికి ఉప ఎన్నిక తప్పదనే మాట వినిపిస్తోంది. గత ఎన్నికల్లో ఆయన తిరుపతి నుంచి శానససభకు ఎన్నికయ్యారు. చిరంజీవిని రాజ్యసభకు ఎంపిక చేసి కేంద్ర మంత్రివర్గంలోకి తీసుకుంటారని అంటున్నారు. దీనికే చిరంజీవి ఇష్టపడుతున్నారనే మాట కూడా వినిపిస్తోంది.

కాగా, కాంగ్రెసులో ప్రజారాజ్యం పార్టీ విలీన ప్రక్రియ వేగవంతమైంది. దీనిపై చర్చించడానికి ప్రజారాజ్యం పార్టీ నాయకులు గంటా శ్రీనివాస రావు, సి. రామచంద్రయ్య ఢిల్లీ వెళ్లారు. వారు ఎన్నికల కమిషన్‌తో చర్చిస్తారు. అలాగే, కాంగ్రెసు పార్టీ అధిష్టానంతో చర్చిస్తారు. విలీనం ప్రక్రియకు పచ్చజెండా ఊపాలని వారు ఇసిని కోరే అవకాశం ఉంది. జూన్ మొదటి వారానికి విలీన ప్రక్రియ పూర్తయ్యే అవకాశం ఉంది.

ఇదిలావుంటే, ఢిల్లీలో కాంగ్రెసు ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్ పార్టీ అధ్యక్షురాలు సోనియాతో భేటీ అయ్యారు. ప్రజారాజ్యం పార్టీ విలీన ప్రక్రియపైనే ఆజాద్ సోనియాతో మాట్లాడినట్లు తెలుస్తోంది. అలాగే, పిసిసి అధ్యక్ష పదవి, స్పీకర్, డిప్యూటీ సిఎం పదవుల భర్తీపై కూడా ఆయన సోనియాతో మాట్లాడినట్లు చెబుతున్నారు. కాగా, చిరంజీవి రాజీనామా చేస్తే తిరుపతి నుంచి పోటీ చేయడానికి మాజీ శాసనసభ్యుడు వెంకటరమణ సిద్దపడుతున్నారు.

English summary
Prajarajyam party president Chiranjeevi may resign as MLA. He was elected as MLA from Tirupati seat.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X