• search
  • Live TV
గుంటూరు వార్తల కోసం
నోటిఫికేషన్స్ పై క్లిక్ చేయండి  

ఆ ఎంపీ జగన్ కోవర్టు!: అధినేత చంద్రబాబుకు గుంటూరు నేతల ఫిర్యాదు

By Srinivas
|

Chandrababu Naidu
హైదరాబాద్: ఇన్నాళ్లు కాంగ్రెసులో వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి కోవర్టులు ఉన్నారనే వార్తలను మాత్రమే చూశాం. తాజాగా తెలుగుదేశం పార్టీలో కూడా కోవర్టుల కలకలం చెలరేగుతోంది. కోస్తాంధ్ర ప్రాంతం నుండి తెలుగుదేశం పార్టీ పార్లమెంటు సభ్యునిగా ఎన్నికైన ఓ నేత వైయస్ జగన్‌తో నిత్యం టచ్‌లో ఉంటున్నారని తెలుస్తోంది. సదరు పార్లమెంటు సభ్యుడు జగన్‌తో టచ్‌లో ఉంటున్నారని గుంటూరు జిల్లాకు చెందిన పలువురు శాసనసభ్యులు, ముఖ్య నేతలు పార్టీ అధినేత చంద్రబాబునాయుడును కలిసి శనివారం ఫిర్యాదు చేశారు. సదరు కోవర్టు ఎంపీకి సంబంధించిన పూర్తి వివరాలను వారు సేకరించి అధినేతకు అందజేశారు.

కోస్తాంద్ర జిల్లాల్లో టిడిపి పార్టీని నిర్వీర్యం చేయడానికి పార్టీలోనే ఉంటూ జగన్‌తో నిత్యం సంప్రతింపులు జరుపుతున్నారని వారు ఆరోపిస్తూ అధినేతకు ఫిర్యాదు చేశారు. గత సాధారణ ఎన్నికలకు ముందే రాజకీయాల్లోకి ప్రవేశించి అనూహ్యంగా టిడిపి నుండి టిక్కెట్ సాధించి అనుకోకుండా గెలిచిన సదరు ఎంపీ ఇటీవల జగన్‌తో నిత్యం సత్సంబంధాలు కొనసాగిస్తున్నాడని వారు ఆరోపించారు. జగన్ వైపు వెళ్లడానికి చూస్తున్న ఆ ఎంపీ మున్నుందు పార్టీలో ఉంటాడన్న గ్యారెంటీ లేదని కూడా వారు చెప్పారు.

కాబట్టి ఆయనపై ఇప్పటి నుండే దృష్టి సారించాలని వారు అధినేతను కోరారు. ఆ ఎంపీపై పార్టీ పరంగా కఠిన చర్యలు తీసుకోకుంటే కోస్తాంద్ర ప్రాంతంలో పార్టీ పరిస్థితి కనుమరుగు కావడం ఖాయమని వారు అధినేత వద్ద ఆందోళన చెందినట్లుగా తెలుస్తోంది. పార్టీలో ఉంటూనే జగన్ పార్టీని సదరు ఎంపీ చాపకింద నీరులా ప్రవహింప చేస్తున్నారని, ఇప్పటికే జగన్ పార్టీలో ఆ ఎంపీ బావమరిది ప్రముఖ పాత్ర పోషిస్తున్నారని కూడా అధినేత దృష్టికి తీసుకు వచ్చారు.

English summary
In a move to safeguard tha party interests, senior TDP leaders and a few Legislators from Guntur are belieed to have submitted a detailed report on the covert of a party MP from the coastal districts to Chandrababu.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X