మొండికేసిన ఎన్‌డి తివారీ, రక్త నమూనాలకు నిరాకరణ

By Pratap

Published: Wednesday, June 1, 2011, 18:13 [IST]

న్యూఢిల్లీ: పితృత్వం కేసులో రక్త నమూనాలను ఇవ్వడానికి ఆంధ్రప్రదేశ్ మాజీ గవర్నర్ ఎన్‌డి తివారీ నిరాకరించారు. రక్త నమూనాలను ఇవ్వడానికి ఆయన బుధవారం ఢిల్లీ హైకోర్టుకు రావాల్సి ఉంది. డిఎన్ఎ పరీక్ష కోసం రక్తం ఇవ్వాలని తనను బలవంతం పెట్టకూడదని ఆయన ఓ దరఖాస్తు పెట్టుకున్నారు. తనను తివారీ కుమారుడిగా ప్రకటించాలని కోరుతూ రోహిత్ శేఖర్ అనే యువకుడు 31 ఏళ్ల యువకుడు కోర్టులో కేసు వేశాడు.

పితృత్వం కేసులో రక్త నమూనాలు ఇవ్వడానికి కోర్టుకు రావాలని హైకోర్టు జాయింట్ రిజిస్ట్రార్ దీపక్ గార్గ్ గతవారం తివారీని ఆదేశించారు. రక్త నమూనాలు ఇవ్వడానికి కోర్టుకు రావాలని కోర్టు రోహిత్ శేఖర్‌ను, అతని తల్లి ఉజ్వల శర్మను కూడా ఆదేశించింది. డిఎన్ఎ పరీక్షలు హైదరాబాదులోని డిఎన్ఎ, ఫింగర్ ప్రింటింగ్, డయాగ్నస్టిక్ సెంటర్‌లో జరగాల్సి ఉంది.

Published On June 1, 2011