ఇతర ఏటీఎంలలో బ్యాలెన్స్ చెక్ చేస్తే డబ్బులు కట్టాల్సిందే...!

మీరు ఇతర బ్యాంకుల ఏటీఎం మిషన్ల నుంచి బ్యాలెన్స్ ఎంక్వైరీ, మినీ స్టేట్‌మెంట్ లావాదేవీలు నిర్వహిస్తున్నారా? అయితే ఇక నుంచి ఈ లావాదేవీలకు ఫీజు రూపంలో కొంత మొత్తం చెల్లించాల్సిందే. జూలై 1 నుంచి ఇతర ఏటీఎంల ద్వారా నిర్వహించే అన్ని నాన్ ఫైనాన్షియల్ వ్యవహారాలపై ఫీజు వసూలు చేయాలని ఆర్‌బీఐ నిర్ణయించింది. ఇతర ఏటీఎంల నుంచి చేసే మొదటి 5 లావాదేవీలకు ఎటువంటి ఫీజును వసూలు చేయటం లేదు.

ఇవి కాకుండా బ్యాలెన్స్ ఎంక్వైరీ వంటి నాన్ ఫైనాన్షియల్ సేవలను కూడా ఈ అయిదు లావాదేవీల పరిధిలోకి తీసుకువచ్చారు. వినియోగదారులు అధికస్థాయిలో నాన్ ఫైనాన్షియల్ సేవలను వినియోగిస్తుండటంతో, వీటిని కట్టడి చేయడానికి ఆర్‌బీఐ ఈ నిర్ణయం తీసుకుంది. గత ఏప్రిల్ నెలలో మొత్తం ఏటీఎం లావాదేవీల్లో 28 శాతం వాటా బ్యాలెన్స్ ఎంక్వైరీ, మినిస్టేట్‌మెంట్ వంటివే ఉన్నాయి. ఈ మధ్యనే ఏటీఎంల లావాదేవీల్లో ఏవైనా పొరపాట్లు జరిగితే వాటిని వారం రోజుల్లో సరి చేయాలని లేకపోతే రోజుకు రూ.100లు చెల్లించాల్సి ఉంటుందని ఆర్‌బీఐ బ్యాంకులను ఆదేశించింది. ఈ నిర్ణయం కూడా జూలై1 నుంచి అమలులోకి రానుంది.

English summary

It was just in April that this free rule had been into existence and customers were allowed to withdraw cash and check account balances without having to bear the interchange fee. Now that burden will be beared again by the customers.