నాపై విచారణ జరిపించి చర్యలు తీసుకోండి: మంత్రి శంకర్‌ రావు

By Srinivas

Published: Monday, June 6, 2011, 16:28 [IST]

హైదరాబాద్: పదవుల విషయంలో తెలంగాణ వారికి అన్యాయం జరుగుతోందని మంత్రులు అంతా వెంటనే రాజీనామా చేసి పారదర్శకమైన మంత్రివర్గం ఏర్పాటు చేయడానికి తోడ్పడాలని చేనేత, జౌళీ శాఖమాత్యులు శంకర్ రావు సోమవారం కోరారు. పదవుల కేటాయించడంలో తెలంగాణ వారికి అన్యాయం జరుగుతోందన్నారు. ఇలాగైతే కాంగ్రెసు పార్టీ 2014లో మరోసారి అధికారంలోకి రావడం కష్టమని ఆయన అన్నారు. కొందరు ఎమ్మెల్యేలు తన నియోజకవర్గంలో తలదూరుస్తున్నారని ఆయన ఆరోపించారు.

తన నియోజకవర్గంలో తెలంగాణ ప్రాంతంలోని ఎసిపిని మార్చి సీమాంధ్రకు చెందిన ఎసిపిని నియమించారని అన్నారు. అన్ని సమస్యలను తాను ముఖ్యమంత్రి కిరణ్ కుమార్ రెడ్డి దృష్టికి తీసుకు వెళ్లానని స్పష్టం చేశారు. మంత్రివర్గంలోని పలువురు మంత్రులపై అభియోగాలు ఉన్నారని ఆయన అన్నారు. తనపై కూడా ఆరోపణలు వస్తే విచారణ జరిపించి చర్యలు తీసుకోవచ్చునని చెప్పారు.

Published On June 6, 2011