అది సీమాంధ్ర ప్రచార సభ, చంద్రబాబు సమైక్యవాది: కోదండరామ్

By Srinivas

Published: Tuesday, June 7, 2011, 15:57 [IST]

హైదరాబాద్: తెలుగుదేశం పార్టీ తెలంగాణ ప్రాంతానికి చెందిన ప్రజాప్రతినిధులు తాండూరులో నిర్వహించాలని చూస్తున్న సభ సీమాంధ్ర ప్రచార సభగానే తాము పరిగణిస్తున్నామని తెలంగాణ ఐక్య కార్యాచరణ సమితి చైర్మన్ కోదండరామ్ మంగళవారం అన్నారు. తెలుగుదేశం పార్టీ అధ్యక్షుడు చంద్రబాబునాయుడు సమైక్యవాది అని మరోసారి నిరూపించుకున్నారని అన్నారు. చంద్రబాబు దగ్గర ఉంటూ ఏ పేరుతో సభలు పెట్టినా సమైక్యవాద ప్రచార సభగానే తెలంగాణ ప్రజలు చూస్తున్నారని అన్నారు. అది సీమాంధ్ర ప్రచార సభ కాబట్టే తాము ప్రజలను హాజరు కావద్దని కోరుతున్నామన్నారు.

ప్రదేశ్ కాంగ్రెసు కమిటీ అధ్యక్షుడిగా కోస్తాంధ్రకు చెందిన బొత్స సత్యనారాయణను నియమించడం పట్ల తెలంగాణపై ఎలాంటి ప్రభావం చూపదని ఆయన అభిప్రాయపడ్డారు. ప్రజలు ఉద్యమిస్తేనే తెలంగాణ వస్తుందని అన్నారు. వచ్చే జెఏసి భేటీలో తెలంగాణ ఉద్యమ కార్యాచరణ ప్రకటిస్తామని చెప్పారు.

Published On June 7, 2011