• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కాంగ్రెసు కోర్ కమిటీ భేటీ, తెలంగాణపై తేలుస్తారా?

By Pratap
|

న్యూఢిల్లీ: తెలంగాణపై ఆటో, ఇటో తేల్చడానికే కాంగ్రెసు అధిష్టానం సిద్ధమైనట్లు కనిపిస్తోంది. ప్రధాని డాక్టర్ మన్మోహన్ సింగ్, పార్టీ అధ్యక్షురాలు సోనియా గాంధీ హాజరైన శుక్రవారంనాటి ఎఐసిసి కోర్ కమిటీ భేటీలో ప్రధానంగా తెలంగాణ సమస్యపైనే చర్చించినట్లు తెలుస్తోంది. కోర్ కమిటీ సభ్యుడు కాకపోయినప్పటికీ సమావేశానికి కాంగ్రెసు ఆంధ్రప్రదేశ్ వ్యవహారాల ఇంచార్జీ గులాం నబీ ఆజాద్‌ను పిలిపించడం అందుకు బలం చేకూరుస్తోంది. రాష్ట్రంలోని పరిస్థితిపై గులాం నబీ ఆజాద్ కోర్ కమిటీ సభ్యులకు ఓ నివేదిక అందించినట్లు తెలుస్తోంది. రాష్ట్రంలోని పరిస్థితిపై, పార్టీ తెలంగాణ ప్రజాప్రతినిధుల రాజీనామాలపై, వారిని బుజ్జగించడానికి చేస్తున్న ప్రయత్నాలపై ఆజాద్ వివరించినట్లు చెబుతున్నారు.

తెలంగాణ సమస్యను సాధ్యమైనంత త్వరలో పరిష్కరించాలని కాంగ్రెసు అధిష్టానం అనుకుంటోంది. తెలంగాణ రాష్ట్ర ఏర్పాటు కోసం తెలంగాణ ప్రజాప్రతినిధులు రాజీనామాలు చేసిన నేపథ్యంలోనే కాకుండా సీమాంధ్ర పార్టీ నాయకుల అభిమతాన్ని కూడా పరిగణనలోకి తీసుకుని తెలంగాణ సమస్యకు ఒక పరిష్కారం కనుక్కునే వేటలో అధిష్టానం ఉంది. తెలంగాణ సమస్యను త్వరగా పరిష్కరించాలని ముఖ్యమంత్రి కిరణ్ కుమార్ రెడ్డితో పాటు తెలంగాణ రాష్ట్ర ఏర్పాటును వ్యతిరేకిస్తున్న సీమాంధ్ర పార్టీ నాయకులు కూడా కోరుతున్నారు. ఇంక ఎంత మాత్రమూ జాప్యం చేయడానికి వీల్లేదని గ్రహించిన పార్టీ అధిష్టానం వారంలో గానీ పది రోజుల్లో గానీ తెలంగాణపై ఓ ప్రకటన చేసే అవకాశాలున్నట్లు చెబుతున్నారు.

కోర్ కమిటీ భేటీ తర్వాత గులం నబీ ఆజాద్ ప్రధాని మన్మోహన్ సింగ్‌తో ప్రత్యేకంగా సమావేశమయ్యారు. వారిద్దరి మధ్య 15 నిమిషాల పాటు సమావేశం జరిగింది. కోర్ కమిటీలో ముంబై పేలుళ్లపై కూడా చర్చ జరిగినట్లు సమాచారం.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X