వైయస్ జగన్‌కు అక్కడా బినామీలు?

By Srinivas

Published: Monday, August 22, 2011, 9:35 [IST]

రాజమండ్రి: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డికి బెంగుళూరు, చెన్నై తదితర నగరాలలో బినామీలు ఉన్నట్టు ఆరోపణలు వచ్చిన విషయం తెలిసిందే. పెద్ద పెద్ద నగరాల్లోనే కాకుండా తూర్పు గోదావరి జిల్లాలోనూ జగన్‌కు బినామీలు ఉన్నట్లుగా ఓ పత్రిక తెలిపింది. కాకినాడ ప్రాంతంలో హోటళ్లు, భవనాలు, ఖరీదైన ప్రాంతాల్లో స్థలాలు కొనుగోలు చేసినట్లుగా తెలుస్తోంది. అయితే ఇవన్నీ జగన్ పేరుతో కాకుండా ఆయన ముఖ్య అనుచరుల పేర్లతో ఉన్నట్లు తెలుస్తోంది.

ఇప్పటికే సిబిఐ సోదాలు ముమ్మరంగా సాగుతున్నాయి. ఈ నేపథ్యంలో తూర్పుగోదావరి జిల్లాలో జగన్‌కు అండగా ఉన్న నేతలు, బంధువులు ఎక్కడెక్కడ ఉన్నారో సమాచారం సేకరించినట్లుగా తెలుస్తోంది. అందులో ఒకరిద్దరు నేతల ఆస్తులపైనా ఇంటెలిజెన్స్ సమాచారం సేకరించినట్లుగా తెలుస్తోంది.

Published On August 22, 2011