నువు దేనికీ పనికి రావు: మంత్రి శంకర రావు చిందులు

By Srinivas

Published: Friday, August 26, 2011, 12:24 [IST]

హైదరాబాద్: చేనేత, జౌళీ శాఖ మంత్రి శంకర రావు శుక్రవారం మరోసారి హల్ చల్ సృష్టించారు. అధికారుల తీరుపై తీవ్రస్థాయిలో చిందులు తొక్కారు. శంకర రావు ఉదయం సికిందరాబాదులోని పాసుపోర్టు కార్యాలయంలో అకస్మిక తనిఖీలు చేశారు. ఈ సందర్భంగా ఆయన అధికారులపై మండిపడ్డారు. పాసుపోర్టు ప్రాంతీయ అధికారిపై నువు దేనికీ పనికి రావంటూ ఆగ్రహం వ్యక్తం చేశారు. పాసుపోర్టుల కోసం ప్రజలు ఇబ్బందులు పడుతుంటే పట్టించుకోవడం లేదని ధ్వజమెత్తారు.

ఇలాగే ప్రజలను పట్టించుకోకుంటే కేంద్ర మంత్రిత్వ శాఖకు ఫిర్యాదు చేస్తానని హెచ్చరించారు. పాసుపోర్టుల జారీలో నిర్లక్ష్యం ఎందుకంటూ ప్రశ్నించారు. పోలీసులే దళారులను ప్రోత్సహిస్తున్నారని దుయ్యబట్టారు. అధికారులు, పోలీసులు, దళారులు ఒక్కటై పోయారని ఆరోపించారు. మరోసారి ఇలా చేస్తా బావుండదని హెచ్చరించారు. కాగా గతంలోనూ శంకర రావు హల్ చల్ సృష్టిస్తూ వార్తల్లో నిలిచిన విషయం తెలిసిందే.

Published On August 26, 2011