సిబిఐ ఎదుట కోనేరు ప్రసాద్ ట్రైమెక్స్ ప్రతినిధులు

By Pratap

Published: Monday, August 29, 2011, 13:19 [IST]

హైదరాబాద్: రెండో దశ సోదాల సందర్భంగా సేకరించిన పత్రాలను సిబిఐ అధికారులు సోమవారం పరిశీలిస్తున్నారు. వైయస్ జగన్‌కు చెందిన సాక్షి దినపత్రిక కార్యాలయం తదితర ప్రదేశాల్లో సిబిఐ అధికారులు రెండో దశలో సోదాలు నిర్వహించారు. ఎమ్మార్ వ్యవహారంలో బ్యాంకుల లావాదేవీలను కూడా సిబిఐ అధికారులు పరిశీలిస్తున్నారు.

కాగా, ఎమ్మార్ ప్రాపర్టీస్ కేసులో కోనేరు ప్రసాద్‌కు చెందిన ట్రైమెక్స్ ప్రతినిధులు సోమవారం సిబిఐ ఎదుట హాజరయ్యారు. ఐడిబిఐ అధికారుల నుంచి కూడా సిబిఐ సమాచారం పొందుతోంది. కోనేరు ప్రసాద్ స్టైలిష్ డైరెక్టర్‌గా వ్యవహరిస్తున్న విషయం తెలిసిందే. వైయస్ జగన్ ఆస్తుల కేసులో సిబిఐ అధికారులు ఎన్‌ఫోర్స్ డైరెక్టరేట్‌ను సంప్రదిస్తున్నారు.

Published On August 29, 2011