గాల్లోనే సిఎం కిరణ్ కుమార్ రెడ్డి విమానం చక్కర్లు

రాజమండ్రి: ముఖ్యమంత్రి కిరణ్ కుమార్ రెడ్డి ప్రయాణిస్తున్న కింగ్ ఫిషర్ విమానం గురువారం కొద్దిసేపుగా గాలిలో చక్కర్లు కొట్టి అధికారులు, పార్టీ నేతలు, ప్రజల్లో తీవ్ర ఆందోళన కలిగించింది. రాజమండ్రిలోని మధురపూడిలో దిగాల్సిన ముఖ్యమంత్రి ప్రత్యేక విమానం వాతావరణం అనుకూలించక పోవడంతో కొద్దిసేపుగా గాలిలో చక్కర్లు కొట్టింది. సిఎం గురువారం ఉదయం హైదరాబాదు నుండి పశ్చిమ గోదావరి జిల్లా పర్యటనకు బయలు దేరి వెళ్లారు. ఆయన జిల్లాలో ఒక్కరోజు పర్యటించనున్నారు. ఈ విమానం రాజమండ్రిలోని మధురపూడిలో దిగాల్సి ఉండగా వాతావరణం అనుకూలించలేదు. కాసేపు గాలిలో చక్కర్లు కొట్టింది.

దీంతో అధికారులు మరో పది నిమిషాలు చూసి వాతావరణం అప్పటికీ అనుకూలించక పోయినట్లయితే విమానాన్ని తిరిగి హైదరాబాద్ పంపించడం లేదా విజయవాడలోని గన్నవరం ఎయిర్ పోర్టుకు తరలించాలని నిర్ణయించుకున్నారు. అయితే కాసేపటికి గ్రౌండ్ వాతావరణం అనుకూలించి గ్రౌండ్ క్లియరెన్స్ వచ్చింది. విమానం సురక్షితంగా మధురపూడిలోనే దిగడంతో అధికారులు ఊపిరి పీల్చుకున్నారు. ఈ విమానంలో ముఖ్యమంత్రితో సహా 64 మంది ప్రయాణీకులు ఉన్నట్లుగా తెలుస్తోంది. కాగా అందులో 37 మంది నేతలు ఉన్నట్లుగా తెలుస్తోంది.

English summary

CM Kiran Kumar Reddy aeroplane created tension in state leaders and public for some time with landing problem.