వైయస్సార్ రాష్ట్రాన్ని దోచుకున్నారు: చంద్రబాబు

హైదరాబాద్: దివంగత ముఖ్యమంత్రి వైయస్ రాజశేఖర రెడ్డి రాష్ట్రాన్ని దోచుకున్నారని తెలుగుదేశం పార్టీ అధ్యక్షుడు నారా చంద్రబాబు నాయుడు నిందించారు. తెలంగాణ విమోచన దినోత్సవం సందర్భంగా ఆయన శనివారం ఉదయం పార్టీ కార్యాలయంలో జాతీయ పతాకను ఆవిష్కరించి ప్రసంగించారు. తమ ప్రభుత్వ హయాంలో తెలంగాణను ఎంతో అభివృద్ధి చేశామని, దీనిపై చర్చకు రావాలని తాము సవాల్ చేస్తే ఎవరూ ముందుకు రావడం లేదని ఆయన అన్నారు.

తమ పార్టీ అధికారంలోకి రాక ముందు సింగరేణి కాలరీస్ నష్టాల్లో కూరుకుపోయిందని, సింగరేణిని తాము లాభాల బాట పట్టించామని ఆయన అన్నారు. తెలగాణలో పటేల్ పట్వారీ వ్యవస్థను రద్దు చేసి ప్రజలను కాపాడింది కూడా తామేనని ఆయన అన్నారు. తెలంగాణలో తెలుగుదేశం పార్టీయే రాజకీయ చైతన్యం తెచ్చిందని ఆయన చెప్పుకున్నారు. వైయస్ రాజశేఖర రెడ్డి జలయజ్ఞాన్ని ధనయజ్ఞంగా మార్చారని ఆయన విమర్శించారు.

English summary

TDP president N Chandrababu Naidu accused YSR has robbed Andhra Pradesh state.