వైయస్ జగన్ ఓదార్పులో అపశృతి, వాహనం దగ్ధం

విజయవాడ: వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి కృష్ణా జిల్లా ఓదార్పు యాత్రలో సోమవారం అపశృతి చోటు చేసుకుంది. కృష్ణా జిల్లా కలిదిండి మండలం కొచ్చర్ల గ్రామంలో ఓ వాహనం దగ్ధమైంది. కృష్ణా జిల్లాలో వైయస్ జగన్ గత 27 రోజులుగా కృష్ణా జిల్లాలో ఓదార్పు యాత్ర నిర్వహిస్తున్న విషయం తెలిసిందే. ఆయన కొచ్చర్లకు వచ్చినప్పుడు విద్యుత్ షాక్ తగిలి ఓ వాహనం కాలిపోయింది. దీంతో కొచ్చర్ల గ్రామ ప్రజలుభయంతో పరుగులు తేశారు.

వైయస్ జగన్ సోమవారం ఆపకూరు గ్రామంలో వైయస్సార్ విగ్రహాన్ని ఆవిష్కరించి ప్రజలను ఉద్దేశించి ప్రసంగించారు. తన ఓదార్పు యాత్రలో వైయస్ జగన్ కాంగ్రెసు, తెలుగుదేశం పార్టీలపై తీవ్ర విమర్శలు చేస్తున్నారు. తెలుగుదేశం పార్టీపై ఆయన విరుచుకుపడుతున్నారు. కాంగ్రెసు పార్టీతో తెలుగుదేశం పార్టీ అధ్యక్షుడు నారా చంద్రబాబు నాయుడు కుమ్మక్కయి వైయస్సార్‌పై బురద చల్లే ప్రయత్నం చేస్తున్నారని ఆయన విమర్శిస్తున్నారు.

English summary

A vehicle was burnt due to current shock at Koccharla village of Krishna district during YS Jagan's odarpu yatra.