పోటీ ఇక్కడి నుండే: కేంద్రమంత్రి పురంధేశ్వరి

By Srinivas

Published: Sunday, September 25, 2011, 15:58 [IST]

విశాఖపట్నం: తాను వచ్చే సాధారణ ఎన్నికల్లో తిరిగి విశాఖపట్నం నుండే పోటీ చేస్తానని కేంద్ర మంత్రి దగ్గుపాటి పురంధేశ్వరి ఆదివారం విశాఖలో స్పష్టం చేశారు. విశాఖ నియోజకవర్గం ప్రజలు తనపై విశ్వాసం ఉంచి ఆశీర్వదించాలని ఆమె విజ్ఞప్తి చేశారు. 2014లో జరిగే ఎన్నికలకు తాను ఏ ఇతర నియోజకవర్గం నుండి పోటీ చేయనని విశాఖ నుండే పోటీకి దిగుతానన్నారు.

నియోజకవర్గ అవసరాలు, ప్రజల ఆకాంక్షలకు అనుగుణంగానే తాను పనులు చేస్తున్నానన్నారు. తనను ప్రజలు ఆదరిస్తారనే నమ్మకముందన్నారు. కాగా విశాఖలో తనకు పోటీ ఎవరూ కాదన్న సుబ్బిరామిరెడ్డి వ్యాఖ్యలకు పరోక్షంగా ఆమె సమాధానం ఇచ్చినట్లుగా పలువురు భావిస్తున్నారు.

Published On September 25, 2011