రైల్ రోకో: టిఆర్ఎస్, బిజెపి నేతలపై ఆర్పీఎఫ్ కేసు

హైదరాబాద్: తెలంగాణ రాజకీయ ఐక్య కార్యాచరణ సమితి పిలుపు మేరకు తెలంగాణవాదులు చేపట్టిన రైలు రోకోపై రైల్వే పోలీసులు దృష్టి సారించారు. తెలంగాణలోని పది జిల్లాల్లో రైలు రోకోలో పాల్గొన్న పలువురిపై ఆర్పీఎఫ్ పోలీసులు కేసులు నమోదు చేశారు. ఆదివారం ఉదయం వరకు ఈ కేసులు నమోదయ్యాయి. ఆదివారం మరికొన్ని కేసులు నమోదయ్యే అవకాశాలు ఉన్నాయి. రైలు రోకోలో పాల్గొన్న భారతీయ జనతా పార్టీ, తెలంగాణ రాష్ట్ర సమితి కార్యకర్తలపైన పోలీసులు కేసు నమోదు చేశారు. రైల్వే యాక్ట్ ప్రకారం కేసులు నమోదు చేశారు. ఇందులో 18 ఆర్పీఎఫ్, 1 అదిలాబాదులో లా ఆండ్ ఆర్డర్ పోలీసులు నమోదు చేశారు.

పట్టాలపై పడుకోవడం, పట్టాలపై సమావేశం, వంటావార్పు చేయడం తదితరాలపై కేసులు నమోదు చేశారు. మాజీ ఎమ్మెల్యే చంద్రశేఖర రావు, తాండూరు వద్ద బద్దం బాల్‌రెడ్డి, శంకర్‌పల్లి వద్ద బిజెపి నేత అంజన్ కుమార్ గౌడ్, బిజెపి నేతలు దత్తాత్రేయ, విద్యాసాగర్ రావు, తెరాస ఎమ్మెల్యేలు కెటిఆర్, హరీష్ రావుల తదితరుల పైన కేసు నమోదు చేసినట్లుగా తెలుస్తోంది.

English summary

RPF booked case against TRS and BJP leaders in Telangana region.