బహిష్కరిద్దాం: కెసిఆర్‌కు, బొత్సకు టిటిడిపి లేఖ

By Srinivas

Published: Sunday, September 25, 2011, 14:27 [IST]

హైదరాబాద్: బాన్సువాడ ఉప ఎన్నికలలో పోటీ చేస్తున్న వారెవరు గెలిచినా మళ్లీ తెలంగాణ కోసం రాజీనామా చేయాల్సిందేనని అలాంటప్పుడు పోటీ చేయడమెందుకని తెలుగుదేశం పార్టీ సీనియర్ శాసనసభ్యుడు ఎర్రబెల్లి దయాకర్ రావు ఆదివారం అన్నారు. బాన్సువాడ ఉప ఎన్నికల్లో పోటీ చేయకుండా బహిష్కరించి కేంద్రంపై ఒత్తిడి తీసుకు వద్దామని తెలంగాణ తెలుగుదేశం ఫోరం తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావుకు, ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణకు లేఖ రాసింది.

ఈ సందర్భంగా ఎర్రబెల్లి మాట్లాడుతూ బాన్సువాడ ఉప ఎన్నికలను బహిష్కరించి కేంద్రంపై ఒత్తిడి తీసుకు వద్దామని సూచించారు. తాము రాసిన లేఖలకు రేపటి వరకు ఆయా పార్టీల స్పందన కోసం ఎదురు చూస్తామని ఆ తర్వాత తమ నిర్ణయం తీసుకుంటామని చెప్పారు. తెలంగాణ సెంటిమెంటుతో గెలిచిన వాళ్లంతా ఏదో ఒక రకంగా కాంగ్రెసుకు దగ్గరవుతోందన్నారు.

Published On September 25, 2011