సాక్ష్యాలను బట్టి అరెస్టు: సిబిఐ జెడి లక్ష్మీ నారాయణ

హైదరాబాద్: అక్రమ మైనింగ్ వ్యవహారంలో సాక్ష్యాలను బట్టి అవసరమైతే మరికొందరిని అరెస్టు చేసే అవకాశముందని సిబిఐ జాయింట్ డైరెక్టర్ లక్ష్మీ నారాయణ మంగళవారం చెప్పారు. సుప్రీం కోర్టు ఆదేశాలతో అక్రమ మైనింగుపై రెండు కేసులు నమోదు చేశామని చెప్పారు. కర్నాటక మాజీ మంత్రి గాలి జనార్ధన్ రెడ్డి కేసు దర్యాఫ్తు విషయాలను ఈ నెల 30వ తేదిన సుప్రీం కోర్టుకు అందజేస్తామని చెప్పారు. మరికొన్ని కీలక సాక్ష్యాల కోసం కోల్‌కతా, ముంబయి, కేరళలకు సిబిఐ బృందాలను పంపించినట్లు చెప్పారు. కీలక సాక్ష్యాలు అక్కడి నుండి వచ్చే అవకాశముందన్నారు.

సుప్రీం కోర్టు ఆదేశాలతో సిఈసి, లోకాయుక్తల నుండి డాక్యుమెంట్లు తీసుకున్నామన్నారు. వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆస్తుల కేసు, ఎమ్మార్ అక్రమాల కేసుపై నిర్ణీత కాలవ్యవధి లేదన్నారు. ఆయా కేసుల్లో కీలక డాక్యుమెంట్లు సేకరించామన్నారు. దర్యాఫ్తు చురుగ్గా సాగుతోందన్నారు.

English summary

CBI joint director said today that they may arrest another people in Gali Janardhan Reddy case.