గాలి కస్టడీ పిటిషన్‌పై నిర్ణయం రేపటికి వాయిదా

హైదరాబాద్: కర్ణాటక మాజీ మంత్రి గాలి జనార్దన్ రెడ్డి కస్టడీ పిటిషన్‌పై నిర్ణయాన్ని న్యాయస్థానం రేపటి (శుక్రవారానికి) వాయిదా వేసింది. కస్టడీ పిటిషన్‌పై సిబిఐ వాదనలు గురువారం ముగిశాయి. కౌంటర్ దాఖలు చేయడానికి గాలి జనార్దన్ రెడ్డి తరఫు న్యాయవాదులు మరికొంత సమయం కోరారు. బెయిల్ విషయంలో ఏదైనా ఉంటే చెప్పవచ్చునని, ఇప్పటికే తగినంత సమయం ఇచ్చామని, అదనంగా సమయం ఇవ్వలేమని న్యాయమూర్తి చెప్పారు.

గాలి జనార్దన్ రెడ్డి, ఓబుళాపురం మైనింగ్ కంపెనీ (ఒఎంసి) మేనేజింగ్ డైరెక్టర్ శ్రీనివాస్ రెడ్డి కస్టడీ పిటిషన్‌పై గురువారం ఉదయం వాదనలు ప్రారంభమయ్యాయి. అయితే ఆ విచారణ సాయంత్రం మూడు గంటలకు వాయిదా పడింది. గాలి జనార్దన్ రెడ్డికి బెయిల్ ఇస్తే సాక్షులను ప్రభావితం చేసే అవకాశం ఉందని సిబిఐ వాదించింది.

English summary

Decission on Gali Janardhan Reddy and Srinivas Reddy postponed for Friday