గుంటూరులో వైయస్ జగన్ ఓదార్పు యాత్ర

By Srinivas

Published: Sunday, October 16, 2011, 10:47 [IST]

గుంటూరు: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆదివారం నుండి గుంటూరు జిల్లాలో తన ఓదార్పు యాత్రను ప్రారంభించనున్నారు. 18 రోజుల పాటు జరిగే ఈ ఓదార్పు యాత్రలో ఆయన 8 నియోజకవర్గాలలో సుమారు ఏడు వందలకు పైగా కిలోమీటర్లు ప్రయాణించనున్నారు. 25 కుటుంబాలను ఓదార్చుతారు. జిల్లాలో పలు దివంగత వైయస్ రాజశేఖర రెడ్డి విగ్రహాలను ఆవిష్కరిస్తారు. ప్రకాశం బ్యారేజి వద్ద నుండి ఓదార్పు యాత్ర ప్రారంభమవుతుంది.

జగన్ ఇటీవలి వరకు కృష్ణా జిల్లాలో తన ఓదార్పు యాత్రను చేపట్టారు. గన్నవరం నుండి మధ్యాహ్నం మంగళగిరికి చేరుకుంటారు. అక్కడి నుండి తాడేపల్లి మండలంలోని ప్రకాశం బ్యారేజ్ చేరుకుంటారు. ఆదివారం రెండు మూడు కుటుంబాలని ఓదార్చి అనంతరం మంగళగిరిలో బస చేస్తారు. కాగా 12వ తేది నుండి నాలుగు రోజుల పాటు ఆయన జిల్లా సమీక్షలు చేశారు. పార్టీని పటిష్టం చేయాల్సిందిగా జిల్లా కో ఆర్డినేటర్లు, కార్యదర్శులకు సూచించారు.

Published On October 16, 2011