గాలి కేసులో రాజగోపాల్‌ను ప్రశ్నిస్తున్న సిబిఐ

By Pratap

Published: Saturday, November 12, 2011, 12:50 [IST]

హైదరాబాద్: గాలి జనార్దన్ రెడ్డి గనుల అక్రమ తవ్వకాలు, వైయస్సార్ కాంగ్రెసు పార్టీ అధ్యక్షుడు వైయస్ జగన్ ఆస్తులు, ఎమ్మార్ ప్రాపర్టీస్ కేసుల్లో సిబిఐ తన విచారణను ముమ్మరం చేసింది. గాలి జనార్దన్ రెడ్డి కేసులో సిబిఐ అధికారులు శనివారం గనుల శాఖ మాజీ డైరెక్టర్ రాజగోపాల్‌ను ప్రశ్నిస్తున్నారు. రాజగోపాల్‌ను సిబిఐ అధికారులు ఇటీవల కూడా ప్రశ్నించారు. మరోసారి ఆయనను సిబిఐ అధికారులు విచారిస్తున్నారు.

వైయస్ జగన్ ఆస్తుల కేసులో మంజీరా కన్‌స్ట్రక్షన్స్ ప్రతినిధులు శనివారం సిబిఐ అధికారుల ముందు హాజరయ్యారు. అలాగే ఎమ్మార్ ప్రాపర్టీస్ కేసులో ట్రైమెక్స్ అండ్ శాండ్ కంపెనీ ప్రతినిధులు సిబిఐ అధికారులు సిబిఐ అధికారుల ముందు హాజరయ్యారు. ఇదే కేసులో సిబిఐ అధికారులు స్టైలిష్ హోమ్స్ మైనేజింగ్ డైరెక్టర్ కోనేరు ప్రసాద్‌ను సిబిఐ అధికారులు ప్రశ్నిస్తున్నారు. కోనేరు ప్రసాద్‌ను సిబిఐ మరో ఐదు రోజుల పాటు తన కస్టడీలోకి తీసుకున్న విషయం తెలిసిందే.

Published On November 12, 2011